ماسك فروت استوائية

By | 3:58 م 2 comments




السلام عليكم و رحمة الله و بركاته



ماسك سهل و بسيط و جدا سريع
و مناسب للصيف

راح نحتاج ✿..
موز
بابايا
افوكادو
عسل




خلونا شوي نعرف سر كل مكون من مكونات الخلطه و ليش استخدمت الفواكه هذي بالذات ✿..

الموز ✿..
الموز من خلال بحثي يتميز بخاصية الترطيب يعني تقدرين تستخدمينه بروحه من غير اي شي ثاني وشوفي كيف الترطيب تقدرين تقطعينه شرايج و تخلينها ع بشرتج تقريبا ربع ساعه و ع فكره هو مشهور وايد في بريطانيا و يدخل في صناعة الكريمات و الشامبو و مرطبات الشفايف اما قشر الموز مفيد في ازالة حبوب الوجه و طبعا اغلبكم يعرف فعاليته و فايدته للشعر تقدرون تشوون منه حمام زيت لمدة نص ساعه وشوفي كيف اللمعان ✿..


الافوكادو ✿..
عاد الافوكادو منجم لفيتامينات فيه فيتامين A,B,D,E
و في معلومه انصدمت منها ان الافوكادو يحتوي ع البوتاسيوم اكثر عن الموز بنسبة 60 ٪
!!!
و تأثيره يبين من لحضة استعماله وهذا احلي شي للبنات
خلاصة الحديث عنه مرطب مزيل للجفاف مفيد لصحة البشره و السبب يرجع لفيتامين E ✿..


البابايا ✿..
بس من اتذكر صابونة البابايا اقول اكيد مفيد ذلونا البنات فيها فالمنتديات مافي وحده ما استخدمتها الا و مدحتها لوول 
الموضوع
المهم و الاهم
لبشرة ناعمة و صافية ومشدودة,البابايا والحليب,الكركم,السبيد اب ,المر صابونة فيرجنتي النسائيه والاصليه
البابايا سلمكم الله اسمها فاكهة الجميلات << عيل ما تنلام فيرجنتي
اهم ما يميز البابايا التقشير عشان كذه مشهوره بالتبيض و التنعيم ✿..

العسل ✿..
مسك الختاام و منو ما يعرف عن فوايده يعني احس من غير سيرج و لا بحث اكيد ترطيب تغذيه علاج لكل شي حرق حب شباب بس في معلومه ماكنت اعرفها من قبل ان له فايده كبيره في ازالة التجاعيد!! ✿..




نرجع للماسك

كل الي عليج تسوينه انج تهرسين هالمقادير مع بعضها و ع فكره اذا الفواكه كانت مستويه ما بتتعبين بالهرس لانج بتستخدمين ايدج
بالنسبه لي احب اهرسها بايدي عشان تكون في قطع كبيره احب الماسك بهالطريقه تقريبا خليته ع بشرتي ربع ساعه لان كان وقت صلاه و اعتقد المده كافيه ومناسبه ✿..

الماسك اول شي و اهم شي بينعشج خاصه اذا الفواكه كانت باارده و بتحسين بالترطيب و النضاره ✿..

اتمنى انكم تجربونه لانه مفيدة  ✿..

هناك تعليقان (2): Leave Your Comments

  1. يعطيك العافية أختي ،،

    بجد بالذات في هذا الوقت صيف وجو حار وجاف..

    لازم نهتم ببشرتنا ونحافظ عليها قبل تجي شيخوختها وتقوللل ... آآآآآآآآآه

    طرح جميل..

    ردحذف
  2. الله يعافيك ندوش ايه صادقه فالصيف يبي لنا نغدي بشرتنا على اكثر مانقدر ونكثر من شرب السوائل هههههههه مانبي نصير عجايز بسرعه

    ردحذف


ملآحظه لزوآر مدونتي : مفتوح التعليق للجميع بالضغط على اختيار الهويه غير معروف