O S T E O P R O S I S هشاشة العظام

By | 7:49 م 2 comments










هشــاشــة العــظــام


كيفكم يا حلوات إن شاء الله منااااح ,,,

نبلش في الموضوع دغري,,,
طبعاً هالموضوع راح يكون نقل لمسلسل مرير قاعد يمر على جدتي و كثير من النساء  وهي تجسيد لمعاناة كثير من النساء
من هذا المرض العضال
اللي أصبح منتشر بشكل مرعب,,]
حبيت يكون للفائده والتوعيه بحكم تفاوت أعمار البنات  فاللي تشوف نفسها بالعشرينات تلحق ع عمرها..
واللي فوق الثلاثين تحاول تحمي نفسها قدر المستطاع بالسبل اللي راح اذكرها لكم,,
لأننا تعبنا وإحنا نكرر ]],,
يا بنات يا حلواين الوقايــــة خيـــــر مـــن . . . . . . . ( أكملوا الفراغ؟؟







مره من المرات قريت مقَال لـ دكتور وياليتني ماقريته
المقَال كان يقول :إن هشاشة العظام هو من الأمراض الشائعة بالخليج وإن المرأه نسبة إصابتها
بالمرض أكثر من الرجال 6 مرات,,
وإن المرأه لازم تشتغل على عظامها
قبل تخش الثلاثين .. لأن من الـ 30 تبتدي الهشاشة ..
من هذا المنطلق .. حبيت أضيف لكم
معلومات بسيطة .. سألت فيها دكاترة معينين وقرأت عنها ...





] لمحــــة ع ــــــامة ,,




هشاشة العظام أو بـ الإنقلش واللغة الطبية Osteoprosis ، هو مرض يخلي العظام تصير هشة
أو يخلي عظامك لو تضرب بأي شي صلب تنكسر من أدنى شيء !




[.. أعرف وحده ما كانت تشتكي من أي ألآلام ومره كانت ترتب غرفتها
وشالت طاوله خفيفه حتى وصغيره كانت بتغير مكانها
وفجأه تقول :ما حسيت رميتها ع الأرض وحسيت بألم فظييييع بالكف كامله >>> ع طول على أقرب مستشفى

وبعد الأشعه والتحاليل تفاجأت إن الدكتور يقول إن أصبعها السبابه مكسور
(( لا وعشان يفجعها زيادة قال إنتي من فتره طويلة
وإنت تعاني من الهشاشة الشديدة بالعظام....
طبعاً البنت صعقت ,,لكن بعد إيش فات الأوان ....]




وغيرها كثييير وكثيير من حالات البنات اللي تمر علينا يومياً ...
أكثر الحريم يصابون في منطقة الركبه بكسور !
، بمعنى ],,
أكثر الإصابات يكتشفونها من الركب ! تطيح الحرمة .. وتنكسر ركبتها .. وبعضهم من زود الهشاشة .. تنكسر كسر جاااامد !!
وكل 1 من 8 حالات يموت من كسر الركبة.




( خلوني أوضح أكثر) >> وضحي مين ماسكك




صورة توضح الفرق في التركيب للعظم [ اليمين عظم هشّ / اليسار عظم سليم ]












هشاشة العظام معناها ، إن العظم تعرفون شكله من جوا زي الإسفنجي ..
فـ الشخص الللي تجيه
هشاشة عدد النتوئات اللي بالعظم يقل ويصير حجمها كبير !!
يعني تصير واسعـة وهالشئ
يسمح بـ سهولة الكسر ، ويخليها هشة ، وأكثر العظام اللي تتعرض للكسر بسبب الهشاشة هي زي ماقلنا ( الركبة ، الفخذ ، العمود الفقري ) ،






ويقولك الشخص اللي ينكسر عنده العمود الفقري
هالشئ ممكن يسبب نقص في طوله + يخلي " محندب " يعني منحني " ظهره ،
والشخص اللي
عنده هشاشة ممكن أي حاجة تأثر عليه وتكسر عظمه بعضهم حتى الضربات البسيطة
زي ضربة الطاولة ،
وبرضو يقولك حتى الكحة والسعال ممكن يكسرون عظامك
لو كان فيك هشاشة >> متخيلين كيف خطورتها يعني من كحه ممكن ينكسر العظم وخصوصاً العمدالفقري!!،،




هشاشة العظام تبتدي زي ماقلنا
من بداية الثلاثين ! والمشكلة إنه يجي بدون ألم ..
ومرات ممكن ماتنكسر عظامك .. فـ لازم
الواحد بين فترة وفترة يفحص + يحاول يبني عظامه من يومه صغير ويتلافي الكسور والأمراض .





,,,,




كلنا نحب الأحصائيات تعالوا نشوفها مع بعض,,,]


.,,.( إحصائيات ).,,.





بعضنا يمكن مايصدق الحكي اللي فوق ويقول مبالغات ..
يقولك في أمريكا وبعد الدراسات من سنة 1990 إلى 2011 العدد لـ مرضى هشاشة العظام جالس يزيد بشكل كبير جدا ،
1990 كانت نسبة الأشخاص في العالم اللي يصابون بكسور بسبب هشاشة العظام 1.7مليون ..
ومع تقدم الوقت ولين وقتنا الحاظر راح تزيد إلى نسبة 3.6 مليون ..
وإلى الأعوام الجاية راح تكون إلى 6.7 مليون ! في أمريكا لحالهم هشاشة العظام تصيب 25 مليون شخص ..
أكثر من 250 ألف مريض يصاب بكسر في الركبة ، و 240 ألف مريض يصاب بكسر بالعمود الفقري !!
يعني عدد كبير ويخوف ..
هذا أمريكا اللي مهتمين بصحتهم واللايف ستايل تبعهم كيف أجل إحنا العرب ..
اللي هاملين أنفسنا و حارمين أنفسنا
من الحليب
أعرف بنات تحوم كبدها لا شافت الحليب من بعيد
,,
ناهيك عن محدودية تعرضنا للشمس خاصةً في السعودية ،
ولا يفوتني أذكر الأشخاص اللي تنكسر الركبة عندهم هالشئ
يأثر عليهم ، مو بس ألم ممكن يسبب حتى إعاقة دائمة يعاني منها الشخص طول حياته ،
سنويا أكثر من 25 ألف إمرأه معرضات لـ الإصابة بـ هشاشة العظام وأغلب النساء يكونون
من ذوي البشرة البيضاء,,] الإحصائيه هي اللي تقول مو أنا...!




,,




...مثل مانعرف الإنسان من يومه صغير وهو ينمو ، ويتوقف نموه عند سن معين ،
والعظام تكون
في اوج قوتها في المرحلة من 20 لمَا 28 سنة ، وبعد هالعمر تبتدي تضعف ،
فـ طول هالفترة
وقبل الـ 30 لازم نشتغل بـ أكل المنتجات اللي فيها كالسيوم CA، مثل الحليب والجبن ومشتقاتهم ،
الأطباء يعملون تحليل كثافة العظام .. ويقيسون الكتلة العظمية ،
وهالكتلة معروف
عندنا.. إنها تنقص مع العمر فـ عظام الشخص أبوعشرين كثافتها أقوى من عظام شخص أبو ستين ,,[




,,
( قصة الحريم مع الهشاشه)


ليش النساء يجيلهم أكثر من الرجال ؟
لأن النساء عندهم هرمون الإستروجين وهو المسؤل عن الدورة الشهرية ، الأستروجين ينتج من المبايض وله وظائف عدة من ضمنها المساهمة في بناء
العظام
،,




فـ طول ما البنت تنتج الإستروجين تكون في الوضع السليم ، لكِن من توصل لـ سن انقطاع الطمث ..أو سن الحكمة.. [لا تقولون سن اليأس ..ما أحبذ هالمسمى نهائياً]
يبتدي الإستروجين يقل يقل لين ينعدم بالمرة ،, وهنا المرأه تكون عظامها ضعيفة!!
لأن واحد من مكونات عظامها بدأ يختفي ،
طبعا البعض يقول طيب في حريم بالثلاثين ومصابين
أنا أقولك ...هم أصلا يكون عندهم الإستروجين ضعيف
أو بعضهم مسويين عملية إزالة مبيض فـ بالتالي
الهرمون من اول ضعيف عندها ، وبعض البنات تنقطع عنها الدوره الشهرية لمدة شهور وبعضهم يوصل عمرها للـ 22 ما جاتها ..
برضو هذول البنات يكونون معرضين لـ هشاشة العظام أكثر من أي بنت عادية .




,,



,,||




( عوامل ثانية تسمح بـ الإصابة بس المرة هذي للجنسين.. للرجال والنساء )




قلنا الإستروجين وهو هرمون عند النساء ،
ويخلي نسبة حدوث الهشاشة عند النساء أكثر من الرجال ،
وبعد في عدة أسباب منها :





- إنقطاع الدوره الشهرية ..
- الحمل لـ 3 مرات أو أكثر على التوالي ..
- الوراثة ..
- الإمتناع عن رضاعة الطفل ..
- النحافة ..
- عدم ممارسة الرياضة ..
- القلة في أكل الكالسيوم ..
- التدخين ..
- شرب القهوة ..
- عدم التعرض لأشعة الشمس [هالسبب موب عندنا أكيد ] ..
- شرب الخمر ..
- أكل الاطعمة اللي فيها ألياف بشكل كبير ..

- الهايبر ثايرويد [ زيادة نشاط الغدة الدرقية ] ..
- الفشل الكلوي ..




,,
:
( كيف أعرف فيني ولا مافيني )



زي ماقلنا فوق هشاشة العظام في أول أيامها ماتألم ،
وممكن مايجيك شئ ولا تحسين إلا لما تنكسر عظامك ويعملون لك فحوصات
ويقولون لك ,,,مصابه بالهشاشة !!
طريقة الفحص عن طريق
الإشعة السينية ||،









وهي طبعا ما تألم ، يقولون لك إنسدح على ظهرك ويفحصون عظامك ،
إسم التحليل Bone Densitometry ||،
ومدته 5 إلى 10 دقايق وما يألم أبد ، يعملون مسح
كامل لـ العظام بالجسم ..



:
,,



( متى أحتاج أفحص )



طبعا الفحوصات حاجة حلوة ، بين فترة وفترة الوحدة تفحص على نفسها ،
لكِن مثل الهشاشة
يفضل المرأه تفحص بشكل متقطع بين فترة وفترة ، لأن الدكتور ممكن يقدر يحدد لكم
بالأرقَام كم نسبة كثافة العظام عندك .. وممكن يقولك إن بعد هالفترة بتصابين أو يعطيك علاج
لها .





,,



:
( لو كنت مصاب وش العلاج أو الحل )
بعض الناس ربي إبتلاهم بالمرض فـ لازم يتغير نمط حياتهم 180 درجة ..
على النحو التالي :



* أولا : تنتبه من السقوط ||: نحاول مانلبس كعب أو أي شئ يعيق المشي بشكل طبيعي ،
لان أكثر المصابين لما يجيه أي شي بسيط يسقط وبالتالي تروح عليه .



* ثانيا : النظر||: كان عندك ضعف نظر حاولي تراجعين طبيب عيون ،
ويفحص عيونك عشان تلبسين نظارة ،[ أو عدسات ولا يهمك أهم شي ما تطيحين ]
لأن لو ماكنت تشوفين مضبوط بتتعثرين !! وإذا طحتي هذا مو في صالحك ! .



* ثالثا : الحماية ||: السجادات بالبيت اللي ممكن تسبب سقوطك أو في الحمام الله يكرمكم ..



* رابعا : لا تأكل حبوب تسبب لك النعاس||, زي البندول نايت وإخوياه ..
* خامسا : لو كنت تعاني من إختلال في التوزان ||, يفضل يكون عندك عصا تتوكأي عليها منعاً للسقوط ..
* سادسا : بين فترة وفترة إطلعي على المقالات اللي تساعدك بالعلاج أو حتى حماية نفسك من أي حادثة ممكن تسبب لك الأذى+ مراجعة الطبيب بين فترة
وفترة .





,,



( علاج الأطبـــــاء )



- طبعا الأطباء يعالجونك بعدة طريق منها العلاج بـ إعطائك هرمون بديل للأستروجين يكون مصنع
على شكل حبوب تستمر المرأة عليها بشكل يومي .
- أو ممكن يعالجونك بـ إعطاءك أقراص من الكالسيوم ..


وطبعاً .. زي منتو عارفين البنات مو سواسيه حتى اللي مصابات بالمرض بيختلفون عن بعض بدرجات ,,
في منهم اللي تو المرض في بدايته معاها وفي منهم اللي في المراحل الأخيره ,,



لذلك هناك عدة أمور كل طبيب وعلى حسب تشخيصه لـ حالتك و وش الأشياء اللي تعانين منها وعلى أساسها يتخذ الأجراءات الإحترازيه اللي تحميك أو تخفف عليك ..



,,

بالنهاية أتمنى إن الكل يقرأ الموضوع ويستفيد منه لأن العظام حاجة مو هينة بالجسم
إحنا تقريبا كل جسمنا عضلات وعظام ،

لو خرب شئ منها بتخرب كثير أمور ، وبتصير
لنا إعاقات ومابنعود ناس طبيعية ،

وياليت وياليت تقللون من شرب القهوه والشاي [,, لأنها يا بنات تلعب دور كبير بهشاشة عظامكم
عالمدى البعيد ,, هذا نقلاً عن أطباااء ومن واقع دراسة ,,وياليت ننظم لنا برامج غذائية ..
وأنا وحدة منكم
لا تقولين خلاص راحت علي لا,, برضو الواحد يبذل اللي عنده .. ونحاول نزيد من الأكلات اللي تحتوي على كالسيوم ..

والشمس ثم الشمس ,,
تعرضي لها قد ما تقدرين خصوصاً مع ساعات الصباح الأولى ..و تالي النهار [ ع العصريه ]..
والله يكفيكم شر الأمراض .. تمنياتي القلبيه لكم بدوام العافيه ..




,,[ مع خااالص حبي..

 

هناك تعليقان (2): Leave Your Comments

  1. معلوماااااااات قيمه جدااا
    حبيت النيو لوك تبعك
    دمتي متألقه

    ردحذف
  2. تسلمين عزيزتي بكرى احلى
    هذا من ذوقك

    ردحذف


ملآحظه لزوآر مدونتي : مفتوح التعليق للجميع بالضغط على اختيار الهويه غير معروف